SOBRA 30 KA TUIG NGA RIDO SA LUNGSOD SA NUNUNGAN LANAO DEL NORTE NASULBAD NA

SOBRA 30 KA TUIG NGA RIDO SA LUNGSOD SA NUNUNGAN LANAO DEL NORTE NASULBAD NA

Isa sa mga pinakadakong pamilyang Alilang ug pamilyang Macadatar sa Lungsod sa Nunungan nga nag rido sulod sa 30 ka tuig diin mokabat sa 22 ang namatay ug 6 ang naangol nasulbad na.Pinaagi sa kanunay nga suporta ug pagpaningkamot ni Governor Imelda Q. Dimaporo,ingon man sa duha ka mga Congressman sila 1st District Cong Khalid Dimaporo ug ang amahan sa kahusay ug kalinaw ug kalambuan sa probinsya si 2nd District Cong. Abdulah Dimaporo nahimong posible ang pagsulbad sa mga rido sa probinsya.

Ang kapulisan sa Lanao del Norte nga gipangunahan ni PCol Isaias Bacurnay Provincial Director ug PLTCol Salman Saad PCADU sa PNP LDN, 5th Mechanized Battalion ug 2nd Mechabized Brigade ingon man ang LGU Nunungan sa pagpanguna ni Mayor Marcos Mamay ang nanguna para masulbad ang dugay ng problema sa nasangpit nga Lungsod diin gibansagang kining rido capital sa Lanao del Norte.

Si 2nd District BM Achmad Taha ug Chairman Committee on rido settlement sa probinsya ang isa usab nga nagsuporta para masulbad ang nasangpit nga mga rido.

Dako usab ang kalipay sa matag pamilya nga nasulbad na ang ilang mga away ug nagkasabot nga sundon ang ilang mga gisumpaan nga hunongon na ang ilang mga panagbangi.

Dako usab ang kalipay ni Mayor Marcos Mamay gumikan kay nasulbad na ang mga rido sa iyang Lungsod nga gibansagan kaniadto nga rido kapital sa Lanao del Norte.Sa karon,nagpadayun ang development sa maong lungsod ug daghan na usab ang mesuroy sa ilang tourist distination ang Lake Nunungan.(Mike Navarro)