DUHA KA BALAY UGDAW SA SUNOG SA LALA LANAO DEL NORTE

Naugdaw sa sunog ang duha ka panimalay sa may Purok 4, Mabuhay, San Isidro Upper, Lala nga gipanag-iyahan nila Zosimo Gubat ug igsuon niine nga si Vivian Gubat pasado alas 2 sa hapon Sept. 19 2021.

Sa pagpamasin nga adunay masalbar nga mga gamit, misulay matud pa si Zosimo Gubat sa pagsulod sa nag kalayo niining balay hinungdan sa iyang dakong paso sa likod ug kalawasan nga maoy hinungdan nga nalanding kini sa balay tambalanan.

Sa pagkahibalo ni Mrs Angie Yap, misis ni Lala Mayor Angel Yap,dali kining meadto sa nasangpit nga lugar dala ang mga bugas, grocerries ug mga sanina.Nagdala usab kini ug pagkaon (jollibee) para sa mga bata para sa ilang panihapon.

Una ng nagpaabot ug tabang ang barangay ngadto sa pamilya kini segun pa ni Kapitan Tirso Panoncial.Magpadala usab ang LGU Lala ug tabang karong adlawa (Sept 20 2021) ngadto sa pamilya, kini segun pa ni Kapitan Panoncial.

Posible matud pang kuryente ang hinungdan sa maong sunog kini matud ni BFP Chief Kenneth Puig.Mekabat sa 52,500 ang natalang damyos sa maong sunog.(Mike Navarro)