PAGTUKOD SA 27 KA MGA PAYAG SA LUNGSOD SA LALA HAPIT NA MAHUMAN

Hapit na mahuman ang pagtukod sa mga bag-ong payag (waitingshed) sa 27 ka barangay sa Lungsod sa Lala nga anaa gibutang sa Municipal ground Barangay Lanipao.

Ang nasangpit nga mga payag gitukod kini gumikan kay gabok og guba na ang kanhi nga mga payag nga maoy mahimong pondohanan ug displihan sa mga produkto sa matag barangay panahon sa kasaulogan sa Araw ng Lala.

Ang bag-ong mga payag gama kini sa puthaw ug isa ra ang disenyo para nindot kini lantawon ug dugay maguba.Gipondohan kini sa LGU pinaagi sa pagdumala ni Mayor Angel Tata Yap ug Vice Mayor Cesar Poloy Yap Jr ingon man sa kanunay nga suporta sa mga SB members.

Samtang gipasiga na ang mga suga sa Municipyo agi sa pagsugod sa pasko.Bisan paman anaa nag-atubang sa pandemic ang katawhan, gustong ipabati ngadto sa katawhan ang (diwa) sa pasko pinaagi sa pagbutang og mga christmas light sa Municipyo para makita sa katawhan og ilang (madarama) nga hapit na ang pasko.(Mike Navarro)