KOOPERATIBA SA LUNGSOD SA LALA NAKADAWAT UG MGA GAMIT SA PAG-UMA

Nakadawat ug mga gamit sa pag-uma ang pipila ka mga kooperatiba sa Lungsod sa Lala sa gipahigayung Agricultural-Machinery Distribution sa Lanao del Norte ilalom sa  RCEF-Mechanization Program.

Dako ang pasalamat nila Mayor Angel Yap og Vice Mayor Cesar Yap Jr. ngadto kang Carlene C. Collado Regional Executive Director, DA-RFO X ingonman kay Cong. Khalid Dimaporo,Cong. Bobby Dimaporo ug kang Gov. Angging Dimaporo sa ilang nadawat nga mga Agricultural Machineries.

Gi apud-apud nila kini ngadto sa mga Farmer Cooperatives & Associations sama sa MARIS DIV.E (CRUZIMA) Irrigators’ Ass. Inc, Sta Cruz Lower nga nakadawat sa 1 unit Four Wheel Tractor, 1-unit Floating Tiller Boat,1unit Riding-type Transplanter ug 1-unit Rice Combine harvester.Nakadawat usab ang (OSWAG SIMPAK COOP) sa Simpak, Lala ug 1-unit Recirculating Dryer.

Samtang ang MARIS DIV. F LAMATUN LALA IRRIGATOR’S ASS. INC, Lanipao nakadawat usab sa 1-unit Four Wheel Tractor ug 1-unit Rice Combine harvester.Samtang ang Communal Irrigator’s Ass. Incorporated sa Cabasagan Lala nakadawat usab ug 1unit
Four Wheel Tractor,1 unit Rice Combine Harvester.

Gihimo ang ceremonial Turn-over sa maong Agricultural Machineries ngadto sa mga Farmer Coop’s & Associations kaniadtong November 17, 2021.