PWD SA LUNGSOD SA LALA NAKADAWAT UG PINASKOHAN GIKAN SA ACT FOUNDATION

Nakadawat ug pinaskuhan gikan sa Advocacy for Community Transformation Foundation (ACT) Foundation ang mga PWD sa Lungsod sa Lala kaniadtong Disyembre 19 2021.

Ang mga PWDs naggikan sa nagkalain-laing barangay sa Lungsod sa Lala nga didto nagtapok sa may NCMC campus para sa usa ka adlaw nga program sa Advocacy for Community Transformation Foundation.

Ang nasangpit nga programa matud pa,kada tuig kining gipahigayon sa maong foundation dungan usab sa pag celebrar sa pagkatawo sa kamagulangang anak sa usa sa mga founders sa maong foundation nga si Eli Shamah Armada nga gipanganak nga usa ka PWD o matod pa sa foundation 'People with Destiny'.

Pipila usab ka mga PWDs ang mipresenta ug intermission numbers sama sa tula, kanta ug sayaw. Aduna usab nag share sa ilang mga testimonies ug mga kaagi.

Tanang nanambong gihatagan sa ACT Foundation ug halfsack nga bugas ug mga groceries isip regalo karong panahon sa pasko.( with reports Kasayuran Team / via Mike Navarro)