DUHA KA VAN UG TULO KA MGA HEAVY EQUIPMENT GIPALIT SA LGU MAGSAYSAY LANAO DEL NORTE

Para mahatagan ug insaktong serbisyo ang katawhan sa Magsaysay Lanao del Norte,nagpalit ug mga brand new nga 2 ka units nga van ug 3 units nga mga heavy equipments diin gi loan kini sa LGU nga mobalor sa 25 milyon.

Ang usa ka Van gigamit na kini isip service sa MDRRMO para adunay magamit panahon sa mga emergency,samtang ang usa ka van gigamit kini isip service sa mga staff sa SB members ug para promotion na usab sa Jardin de Rachma and Eco Tourism Park.

Samtang ang tulo ka mga brand new nga mga heavy equipment gigamit na kini sa mga road widening, pag-ayo sa mga drainage kanal, pag maintenar sa mga lugar kung asa mga landslide prone area.

Dako kini ug ikatabang sa LGU Magsaysay para mapadayun ang pagmentinar sa ilang mga kadalanan ingon man sa ilang mga drainage system (kanal) ug ang padayun nga development sa Jardin de Rachma and Eco Tourism Park.(Mike Navarro)