EVERCA FOUNDATION GILIBOT ANG 27 KA BARANGAY SA LUNGSOD SA LALA PARA MANGHATAG UG REGALONG PAMASKO

Nagpahigayun ug usa ka gift giving ngadto sa mga kabataan ug mga kababaihan ang EVERCA FOUNDATION sa 27 ka Barangay didto sa Lungsod sa Lala Lanao del Norte sugod kaniadtong December 3 2021.

Gipangunahan kini ni Mrs Virginia "Angie" Yap ang CEO sa nasangpit nga Foundation kuyog si Anthony Justine Cabugwas Pangilinan ang President sa Everca Foundation.Suportado usab kini ni Lala Municipal Mayor Angel "Tata" Yap ug ang  Lala Womens Association.

Mukabat sa dili mominus dyesmil (10k) ka mga bata ang nahatagan ug simpleng regalo nga kadako kaayo nilang kalipay.Samtang dili usab mo minus sa singkomil (5k) ka mga kababaihan ang nahatagan ug pinaskuhan sa nasangpit nga Foundation.

" Gusto ko walay bata nga magutom,mga nanay magtinabangay kita,tabangan tamo nga adunay pagkaon sa atong lamesa,maghiusa kita para sa atong mga pamilya.Dili kita magsalig sa mga politiko kay kana sila come and go rana, para mapadayun nato ang atong Association maningkamot kita para sa atong mga anak" kini segun pa sa mensahe ni Mrs. Virginia "Angie" Yap.

Dakong kalipay usab sa mga elected barangay opisyal gumikan kay karon lamang sila naka sinati nga gihatagan ug dakong pagtagad sa usa ka asawa sa Mayor ang mga kabataan ug ilang mga ginikanan.

"Lipay kaayo me,kay sukadsukad karon pani nahitabo nga adunay asawa sa Mayor nga megasto ug gihatagan me ug pinaskuhan nga walay pinili tanan gihatagan" segun ni Kapitan Ecat sa Barangay Gumagamot.( Mike Navarro)