PAY-OUT SA MGA RICE FARMER FINANCIAL ASSISTANCE PROGRAM SA DEPARTMENT OF AGRICULTURE GIPAHIGAYUN SA LUNGSOD SA LALA

Gisugdan na ang duha ka adlaw (Enero 27-28) nga pay-out sa mga mag-uuma sa Lungsod sa Lala kinsa adunay duha ( 2 ) ka ektarya nga basakan paubos nga gipahigayon sa Lala Evacuation Center.

Mokabat sa 1, 857 ka mga farmers sa Lala ang nakadawat sa maong ayuda o tabang gikan sa Department of Agriculture.

Nahimo kini nga posible gumikan sa pagpaningkamot sa mga opisyal sa Lala sa pagpanguna ni Mayor Angel Yap ug Vice Mayor Cesar Yap Jr. ingonman sa makanunayung suporta sa mga SB members.

Samtang mapasalamaton usab ang mga opisyal ngadto sa probinsiya sa Lanao del Norte  pinaagi nila Gov. Angging Q. Dimaporo, 2nd District Cong. Bobby Dimaporo ug 1st District Cong. Khalid Q. Dimaporo sa ilang makanunayung suporta niini sa mga mag-uuma sa Lala.(Mike Navarro)