RELIEF OPERATION "BANGON SIARGAO" SA GRUPONG EAGLES UG INNER WHEEL CLUB NAGMALAMPUSON

Nagmalampuson ang hiniusang relief operation "Bangon Siargao" nga gi organisa sa NMR IX sa grupong Eagles gilangkuban sa SND Eagles Club, Barracuda Eagles Club, SND Lady Eagles Club, Maranding River Eagles Club, Nunungan Lake Eagles Club, Baroy Claytow Eagles Club, Tubod LN EC, Tubod Lady EC, Tubod Jr. EC, Malingao Heritage  EC, Malingao Jr Her. EC, Malingao Heritage Lady EC, Mt. Torong torong EC, Maigo EC, Kauswagan EC, Linamon Hidden Falls EC, Platinum Warrior EC ug Magsaysay highland EC.

Nanghatag ang grupo ngadto sa mga apektadong pamilya sa bagyong Odette ug mga food packs, hygiene kit, used Clothing, Soap, kitchen utensils, malong ug mga bottled water.

Samtang ang IWC o Inner wheel Club sa pagpanguna ni Ms. Aminah Dimaporo nanghatag ug mga construction material, toys para sa mga bata kids, slippers, shoes, bags, tools, canvass trapal ug Bundles of  used Clothing.

Subay ni Geovanni A. Hera past charter Governor sa NMR lll ug kasamtangang Vice Governor sa NMR lX Lanao del Norte, dako ang ilang kalipay gumikan kay sa ginagmay nga pamaagi nakahatag sila ug tabang sa mga nagkinahanglan.

Dako usab ang pasalamat ni Allan Piitilan ang Governor sa NMR IX sa mga opisyal sa nagkadaiyang Eagles Club ug mga membro niine nga naghatag ug higayon nga makatabang ngadto sa uban ilabina sa mga naigo sa kalamidad sama sa Surigao del Norte. ( Mike Navarro)