9 KA MGA SAKOP SA TERORISTA PATAY SA ENGKWENTRO SA PIAGAPO LANAO DEL SUR

Patay ang 9 ka mga sakop sa terroristang grupo nga Dawlah Islamiyah-Maute Group (DI-MG) atol sa duha ka adlaw nga sunod-sunod nga engkwentro tali sa mga sundalo kaniadtong huebes ug biyernes, Enero 25 ug 26 sa Barangay Tapurog Lungsod sa Piagapo Lanao del Sur.

Subay sa report, 9 ang patay ug 8 usab ang naaresto sa grupo sa mga rebelde nga gipangunahan sa giilang si Nasser Daud alyas Mahater, Ustadz Nasser Mas'od, Khadafi Mimbesa alyas Engineer Kadi/Akoya, Saumay Saiden, Ustadz Omar/Abu Omar/Saumay, Arsani Membisa alyas Khatab/Hatab/Lapitos. 

Ang maong grupo ang gitudlong responsible sa pagpamomba sa Dimaporo Gymnasium sa Mindanao State University niadtong Disyembre 3, 2023 diin namatay ang 11 ka mga tao nga nagsimba sa maong gym.

Samtang samdan ang 3 ka mga sundalo nga anaa na sa luwas nga kahimtang.Narekober sa mga sundalo ang mga nagkalain-laing armas, 4 ka mga Baofeng Radios ug usa ka Cellphone. 

Padayon pa sa ilang clearing ug hot pursuit operations ang mga sundalo sa mga kauban sa maong grupo.(photo courtesy 103 Brgd./via Mike Navarro)