MGA SAKOP SA MEDIA UG KAPULISAN SA LANAO DEL NORTE MIPAILALOM SA MEDIA RELATION POLICY SEMINAR

Mipailalom sa media relation policy seminar ang 22 ka hepe sa Kapulisan sa Lanao del Norte ug mga force commanders,kauban ang mga sakop sa media kaniadtong Enero 25 2024,didto sa conference room,Police Provincial Office sa Pigcarangan Tubod Lanao del Norte.

Gi-organisa sa Police Office 10 ang maong seminar,kung asa sila PLTCOL  Sherwin Guillar,LDN PPO Spokesperson ug Atty. Rodelyn Jumalon,Legal Officer ang nahimong lecturer kabahin sa mga policy sa media ug sa mga sakop sa kapulisan.

Sa nasangpit nga seminar,gihatagan ug dakong pagtagad ni PLTCOL Guillar ang paghatag ug mga insaktong inpormasyon ug mga police operation ngadto sa media.

Gibutyag usab niine ang right of privacy or Data Privacy Act (RA 10173) ilabina ang mga drug operation nga sila mga inosente pa until proven guilty.

Samtang gitubag ni PCOL Sandy Vales, Provincial Director sa PNP LDN ang concern sa media kalabot sa mga drug operations kung asa anaa pirme witness ang mga media.

Sugdan usab sa PNP LDN ang ilang pakigdugtong sa tanang media nga ania sa Probinsya para sa usa ka panaghiusa ug pagtinabangay para sa kalinaw,kaayohan sa matag-usa.