DUHA KA MINOR DE EDAD NGA MGA SUSPEK SA KAWAT/LUNGKAB SA MGA TINDAHAN SA BRGY MARANDING DAKPAN

Gidakop ang duha ka menor de edad nga maoy suspek sa mga kawat ug lungkab sa barangay Maranding human mag viral ang video nga gi post sa usa sa tag-iya sa piso wifi nga ilang gilungkab kaniadtong melabayng semana kung asa kilid lang kini sa H and A shopping center sa Purok Pomelo Barangay Maranding Lala.

Giila sa alyas nga Kenken 13 anyos ug Ace 15 (gumikan sa minor de edad pa kini) ang mga suspek,taga Purok Mangga,Brgy Maranding Lala.Igo na lamang sa paghilak ang ilang mga inahan sa dihang gidakop kini sa barangay ug mga pulis.

Positibo usab silang giila sa ilang mga inahan nga sila ang anaa sa viral video nga nasapon sa cctv sa tindahan nga ilang gikawatan.

Gi-angkon usab sa duha nga sila ang maong mga batan-on nga nakita sa cctv.Gitug-an usab nila ang ilang mga kauban sa ilang grupo nga maoy responsable sa mga kawat sa Maranding.Hugtanon karong gipatuman ang curfew sa maong barangay para mapakgang ang mga dautang plano sa uban