ENGR. JALANDONI PITI-ILAN GI APPOINT ISIP BAG-ONG PROVINCIAL AGRICULTURIST SA LANAO DEL NORTE

Gipangunahan ni Lanao del Norte Governor Imelda "Angging" Dimaporo ang usa ka programa para sa pormal nga paglingkod isip acting Provincial Agriculturist sa Probinsya ni Engr. Jalandoni B. Piti-ilan.

Gitambungan sa mga department heads sa Provincial Capitol ang nasangpit nga hand over ceremony ingonman mga empleyado sa Provincial Agricuture Office.Sa mensahe ni Gov. Angging, iyang gibutyag nga isa sa priority program sa iyang administration ang pagtutuk sa pagpalambo sa nga mag-uuma ug paghatag ug mga programa para sa agrikultura sa probinsya.

Giaghat usab niine ang mga empleyado sa Provincial Agriculture Office nga suportahan si PAO Engr. Jalandoni B. Piti-ilan sa iyang mga programa para sa kalambuan sa mga mag-uuma sa Lanao del Norte.

Samtang sa mensahe ni PAO Engr. Jalandoni B. Piti-ilan, iyang paningkamutan nga mahatagan ug mga programa ug suportahan ang mga mag-uuma para sa pagpalambo sa ilang mga produkto,nakahan-ay na usab ang mga plano ug programa para sa mga mag-uuma sa probinsya inubanan sa suporta ni Gov. Angging Dimaporo.(Mike Navarro)