KAPULISAN SA LANAO DEL NORTE NAGPAHIGAYUN UG COMMUNITY OUTREACH PROGRAM SA LUNGSOD SA BACOLOD

Nagpahigayun ug usa ka community outreach program ang Kapulisan sa Lanao del Norte didto sa Barangay Mate ,Bacolod Lanao del Norte kaniadtong Pebrero 15 , 2024.

Gipangunahan sa PNP Regional Office 10 pinaagi ni Regional Director PBGen Ricardo G. Layug,kung diin si Regional Community Affairs and Development Division (RCAD) Chief  PCOL Reynante R Reyes ang merepresentar kaniya,kauban ang Lanao del Norte Police Provincial Director Sandy Vales,LTO Tubod Lanao del Norte District Chief Malic Sultan ug mga NGO partners sa PNP ug LGU Bacolod ang maong programa.

Dala sa Kapulisan ang mga serbisyo sama sa Libreng Gupit sa 1st Provincial Mobile Force Company (PFMC),Legal Services,Feeding Program,Police Clearance,Libreng Tuli, snacks, Bugas mga School Supply ug mga food packs gikan sa Police Regional Office 10.

Sa mensahe ni Regional Community Affairs Chief PCOL Reynante Reyes,nagpasalamat kini sa mga LGU ug sa stakeholders sa ilang padayun nga pagsuporta sa kapulisan.

Samtang gibutyag ni PCOL Sandy Vales, Provincial Director sa Lanao del Norte Pulis."Magpadayun kini nga programa sa atong kapulisan para mahatagan ug outreach program ang usa ka less fortunate Barangay diri sa atong probinsya.Bringing the PNP services closer to the people"kini segun pa ni PCOL Vales.(Mike Navarro)