LTO IPIL DISTRICT OFFICE NANGHATAG OG HELMET ATOL SA VALENTINES DAY

 

Atol sa kasaulugan sa Valentine’s Day nanghatag og helmet ang Land Transportation Office (LTO) Ipil District Office alang ngadtu sa mga motorista nga nagbyahe sa national highway Ipil Zamboanga Sibugay.

Alayon kini sa ilang pagsunod sa Republic Act No 10054 kun "An Act mandating all motorcycle riders to wear standard protective helmets and providing penalties thereof" "Helmet Law of the Philippines.

Ang implementasyon gipanguluhan sa bag-ong hepe sa LTO nga si Jose Maria M. Gonzales, MPA.    

Segun pa kaniya nga ang paggamit sa standard protective helmet dugay na’ng nahimong balaod, gani kaniadto pa’ng tuig 2009 kini nahimo, apan dili kini istriktong ginapatuman sa pipila ka bahin dinhi sa nasud, lakip na sa Zamboanga Sibugay. 

Gibutyag ni Gonzales nga naaghat siyang hugot nga ipatuman ang maong balaod tungod sa iyang nakita sa statistics, ubay-ubay ang mga nahitabong aksidente sa kalsada ug gani aduna’y pipila niini nga niresulta sa pagkakalas sa kinabuhi sa pipila ka mga indibidwal. Ang pagsul-ob matud pa sa standard nga mga helmet usa sa pamaagi arun nga makunhuran ang mga insidente.

Nahimong malipayon ang mga motorista sa helmet nga ilang nadawat taliwala sa ilang kakulba, dihang gipara sila sa mga personahe sa LTO.