PATAYNG LAWAS NI CPL RELAND TAPINIT GISUGAT SA IYANG MGA HIGALA,PARYENTE UG MGA IGSUON SA PAG-ABOT SA ILANG PANIMALAY

Naglinya sa highway ang mga amigo,pamilya ug mga suod nga mga higala ug mga silingan ni CPL Reland Tapinit sa Purok Nangka Brgy Maranding Lala para sa pagsugat sa iyang patayng lawas sa ilang panimalay.

Sa pagkanaog sa iyang lungon,mebaha ang mga luha ug napuno sa mga pagbakho ang lugar  sa dihang ilang nakita ang lungon nga gisudlan sa iyang patayng lawas.

Gisaysay sa iyang igsuong babae kung unsa kabuotan ang ilang kuya Relan.Subay sa iyang igsuon,pagmouli kini sa ilang balay modiretso kini sa ilang basakan para tabangan ang iyang amahan sa pagmudboat ug uban pang trabahuon sa ilang basakan.

Butyag sa iyang mga higala,kaliwat ug igsuon,usa ka buotan nga anak,matibangon nga igsuon,masaligan ug buotan nga amigo,ingon ani nila gihandom si Sgt Reland Tapinit.Gikatakda kining ihatud sa iyang ulahing lubnganan karong Peb. 28 2024 sa Province Memorial Park sa Brgy. Magpatao Lala.(Mike Navarro)