VP SARA DUTERTE GIBISITA ANG PATAYNG LAWAS NI CPL RELAND TAPINIT SA BRGY MARANDING

Gibisita ni Vice President Sara Duterte ang patayng lawas ni CPL Reland Tapinit sa Barangay Maranding Lala Lanao del Norte kaniadtong Pebrero 22 2024.

Gi-ubanan nila Lanao del Norte Governor Imelda 'Angging' Quibranza-Dimaporo,Lala Municipal Mayor Angel 'Tata' Yap,DILG Provincial Director Bruce Colao, PNP 10 Regional Direc.tor PBGen Ricardo Layog,PNP-LDN Provincial Director PCOL Sandy Vales ug 5th Mechanized Infantry Brigade Commander LTC Juvegleen Escandor.

Nakuhaan ang kaguol sa pamilya ni CPL Tapinit sa pagduaw ni Vice President Sara Duterte ug nalipay usab sila sa gihatag nga financial assistance.Samtang personal usab nga nagpaabot sa iyang pahasubo sila Gov Angging Dimaporo ug Mayor Tata Yap ngadto sa pamilya.

Kahinumdoman nga 6 ka sundalo nga mga sakop sa 44IB ang namatay ug 4 ang nasamdan sa engkwentro tali sa mga sundalo ug Dawlah Islamiya Maute Group didto sa Brgy Ramain Munai Lanao del Norte.

Ang mga sundalong namatay mao sila CPL Rey Anthony Salvador,CPL Reland Tapinit,CPL Rodel Mobida,PFC Arnel Tornito,PVT Michael John Lumingkit ug PVT James Porras nga mga sakop sa 44IB 1st ID PA.