40 MILYON NGA EVACUATION CENTER GISUGDAN NA SA PAGTRABAHO APIL USAB ANG LALA MUNICIPAL BASKETBALL COURT

Gisugdan na sa pagtrabaho ang 40 milyon nga Lala Municipal Evacuation Center nga anaa gitukod sa Lala Town Center sa Barangay Maranding Lala Lanao del Norte.

Segun ni Mayor Angel "Tata" Yap,ang nasangpit nga proyekto gikan kini sa buhatan ni 2nd District Cong. Aminah Dimaporo,pinaagi sa DPWH nga maoy mehimo sa nasangpit nga Lala Evacuation Center.

Gilauman nga mahuman kini sa first quarter sa tuig 2025,kini segun ni Mayor Yap.Ang nasangpit nga evacuation center,aduna kini mga kwarto sa kilid para magamit nga opisina sa mga buhatan sa gobyerno.

Kini usab ang mahimong Municipal Basketball court.Butyag ni Mayor Yap,apil sa maong proyekto ang ring ug court sa basket ug dinhi na magdula ang mga basketball players ilabina nga isa ang sports sa mga prayority program nila Cong Amina ug Cong Khalid Dimaporo.

Dako usab ang pasalamat sa administrasyong Yap ngadto kay Gov. Angging,kanhe Cong. Bobby,2nd District Cong Aminah ug 1st District Cong Khalid Dimaporo sa ilang mga gihatag nga mga proyekto para sa katawhan sa Lungsod sa Lala.