7 KA GLASS TOTTER UG 5 KA PUTOS SA SHABU NAKUHA SA DRUG SUSPEK BAROY LANAO DEL NORTE

Nakuhaan ug mga drug pharaphernalia apil ang 7 ka glass totter ug 5 ka putos sa shabu ang usa ka drug suspek sa Purok 7, Brgy. Upper Sagadan, Baroy, Lanao del Norte, kaniadtong Marso 8, 2024 pasado alas 3:00 sa kadlawon.

Giila sa kapulisan ang suspek nga si Eugine Entroso Allezer, 25 anyos ug adunay ka live-in partner taga Purok 7,Brgy. Upper Sagadan, Baroy, Lanao del Norte.

Dala sa kapulisan ang usa ka search warrant nga gi isyu ni Hon. Ritchie Gay T. Mendoza,Presiding Judge, Branch 07, 12th Judicial Region, Regional Trial Court, Tubod Lanao del Norte nga adunay petsa Pebrero 28, 2024.

Ilado matud pa ang maong suspek sa ilang brgy nga naggamit ug namaligya ug ilegal nga druga.Kapila na usab kini gibadlong sa iyang mga paryente ug ginikanan apan wala gihapon nagpatuo kanila.Kasong pagsupak sa section 11 ug 12 sa RA 9165 ang atubangon sa maong suspek.(Mike Navarro)