ENDOSCOPY UG COLONOSCOPY MACHINE SA KAPATAGAN PROVINCIAL HOSPITAL SA LANAO DEL NORTE OPERATIONAL NA

Mudawat na ug mga pasyente nga nagkinahanglan ug endoscopy ug colonoscopy ang Kapatagan Provincial Hospital sa Lanao del Norte kini human nga ila ng gi abrehan sa publiko ang ilang endoscopy ug colonoscopy unit machine bag-uhay pa lamang.

Segun ni Dr. Arman Colao,Chief of Hospital sa Kapatagan Provincial Hospital, importante matud pa ang endoscopy ug colonoscopy machine para sa mga pasyente nga adunay mga sintomas sa colorectal cancer.  Si Dr Abdel Hussein D. Lucman, MD, APMC IM Gastroenterology sa Amai Pakpak Medical Center mao ang doktor niine.

Kini ang pinaka unang endoscopy ug colonoscopy machine sa hospital sa probinsya sa Lanao del Norte.

Sa usa ka programa sa pagsaulog sa Colorectal Cancer Awareness Month sa Kapatagan Provincial Hospital,gisaysay ni Dr. Lucman ang kamahinungdanon sa maong mga machine para madetek ang mga colon cancer sa lawas sa usa ka tao.

Dako usab ang pasalamat ni Dr Colao,Chief of Hospital ngadto kay Gov Angging sa dakong suporta nga gihatag niine sa health sector.Segun pa ni Dr. Colao,operational na ang 10 ka dialisys machine ug sa dili madugay mag operational na usab ang CT scan machine sa maong hospital.(Mike Navarro)