LALAKI NGA NAGLINGKOD GAWAS SA USA KA SARI SARI STORE GIPUSIL PATAY SA LUNGSOD SA KAPATAGAN LANAO DEL NORTE

Patay ang usa ka lalaki nga naglingkod lamang gawas sa usa ka sari-sari store human kini gipusil sa wala mailang mga suspek nga sakay sa usa ka single motor pasado alas 8:50 sa gabie Marso 17 2024 didto sa Purok 11, Poblacion, Kapatagan, Lanao del Norte.

Giila ang biktima nga si Richard Gallego Barquin,32 anyos, ulitawo ug usa ka construction worker, taga P-13 Poblacion Kapatagan, Lanao del Norte.

Subay sa report gikan sa kapulisan,naglingkod lamang matud pa ang biktima gawas sa usa ka tindahan,dihang kalit kining gihunongan sa usa ka single motor nga adunay backrider dayung pusil sa makadaghang higayun ngadto sa biktima gamit ang wala pa matino nga kalibre sa armas.

Human sa maong pagpamusil daling mesibat ang maong mga suspek sa wala matino nga direksyon.Paspas nga gidala sa balay tambalanan ang biktima apan gideklara kining  DOA sa mga doktor.Padayun pa ang kapulisan sa ilang imbestigasyon kalabot sa maong kremin.(Mike Navarro)