SHABU NAKUHA SUSPEK DAKPAN SA BRGY POBLACION SALVADOR LANAO DEL NORTE

Dakpan ang usa ka drug suspek human kini makuhaan ug ilegal nga druga sa iyang panimalay atol sa implementasyon sa search warrant pasado 9:30 sa gabie Marso 6, 2024 didto sa Purok 1, Poblacion, Salvador, Lanao del Norte.

Giila ang nadakpang suspek nga si Danilo Navarro Bisagar,48 anyos,minyo ug taga Purok 1, Poblacion, Salvador, Lanao del Norte.

Nakuha sa kapulisan gikan sa iyang panimalay ang 2 ka dagkong putos sa gituohang shabu ug 5 ka gagmayng putos.Kasong pagsupak sa RA 9165 ang atubangon sa maong suspek.(Mike Navarro)