TIRADOR UG CELLPHONE UG LAPTOP SA MGA BOARDING HOUSE SA BRGY MARANDING LALA DAKPAN

Nadakpan sa mga sakop sa Barangay Peacekeeping Action Teams (BPAT) sa pagpanguna sa ilang hepe nga si Abdullah Abubacar Manamparan sa Barangay Maranding Lala Lanao del Norte ang usa ka tirador (kawatan) ug mga cellphone ug laptop sa mga boarding house kaniadtong Marso 15 2025 pasado alas 4 sa hapon.

Giila sa kapulisan ang suspek nga si Allien Balagosa,24 anyos,walay trabaho ug residente sa Gingoog City, Misamis Oriental.

Nakuha gikan sa bag sa maong suspek ang nagkalainlaing mga ID's sa mga studyante.Wala na usab nabawi sa mga biktima ang ilang mga cellphone ug laptop.

Nadakpan ang maong suspek didto sa Purok Lemon tree, Maranding, Lala Lanao del Norte kung asa nagplano na usab kini ug kawat sa usa ka boarding house.

Modus sa suspek nga magpanggap nga nangita kini ug boarding house nga iyang kaabangan.Nag viral sa social media ang video niine human nga gi post ni Jum Canama kung asa nakuhaan usab ang iyang boarders ug usa ka laptop.

Human makita ang maong video sa pagpangawat,daling gipalihok ni Kap. Lemuel "Bobong" Yap ang iyang mga sakop kung asa nadakpan dayun ang maong suspek.(Mike Navarro/photo credited to Bodyong Mindanao )