ULITAWO NGA PINTOR DAKPAN HUMAN MAKUHAAN UG SHABU SA PIGCARANGAN TUBOD LANAO DEL NORTE

Dakpan ang usa ka ulitawo nga pintor human makuhaan ug shabu sa gipahigayung drug operation sa Purok 5 Pigcarangan,Tubod, Lanao del Norte pasado alas 10:30 sa gabie Marso 14 2024.

Giila sa kapulisan ang suspek nga usa ka Junel Siangco Abne alyas Joenel Abne,49 anyos,ulitawo nagpuyo sa P urok 5 Pigcarangan, Poblacion, Tubod, Lanao del Norte.

Nakuha sa kapulisan gikan sa balay sa maong suspek ang 9 ka putos sa gituohang shabu ug mga drug pharaphernalia.

Ang nasangpit nga operasyon subay kini sa usa ka search warrant nga gi isyu ni Hon. Richie Gay Mendoza ang Presiding Judge sa RTC 12 judicial Region, Branch 7, Tubod, Lanao del Norte pinitsahan March  8 2024.Kasong pagsupak sa RA 9165 ang atubangon sa maong suspek.(Mike Navarro)