53 ANYOS NGA LALAKI GIPUSIL SA WALA MAILANG SUSPEK SA BRGY MALIWANAG BAROY LANAO DEL NORTE

Samdan ang usa ka 53 anyos nga lalaki human kini gipusil pasado alas 8:10 sa gabie gamit ang improvised shotgun didto sa Purok 5,Barangay Maliwanag, Baroy, Lanao del Norte kaniadtong Abril 6 2024.

Giila sa kapulisan ang biktima nga si Romeo Simbajon y Batocan, 53 years old, male, married and a resident of Purok 5, Maliwanag, Baroy Lanao Del Norte.

Subay sa report gikan sa kapulisan,samtang nag-inom ang biktima kauban ang iyang mga higala sa usa ka waiting shed sa Purok 5,Barangay Maliwang, Baroy,nananghid kini nga mopalit ug ice,samtang sakay ang biktima sa iyang single motor kalit lang kining gipusil sa wala mailang suspek gamit ang usa ka improvised shotgun base kini sa usa ka basyo sa bala nga nakuha sa crime scene.

Anaa na sa luwas nga kahimtang ang biktima nga nagpaalim sa iyang samad pinusilan samtang padayun ang kapulisan sa ilang imbestigasyon kalabot sa maong panghitabo.