GRUPO SA MGA AGILA SA LANAO DEL NORTE NAGHATAG UG BUGAS NGADTO SA 3 KA MGA BARANGAY SA MUNAI LANAO DEL NORTE

Nanghatag ug bugas ang grupo sa Eagles Northern Mindanao Region II,IX,XIV inubanan sa suporta ni Eagles National President Eagles Ronald Delos Santos ug ang LGU Munai sa pagpanguna ni Mayor Racma Dansal Andamama ngadto sa mga lagyo nga mga Barangay sa Lindongan,Barangay Tapurog  ug Barangay Ramain sa Lungsod sa Munai Lanao del Norte.

Gihatagan ug tag 5 ka kilo nga bugas ang 350 ka mga pamilya sa maong mga barangay,kung asa inisyatiba kini sa Eagles pinaagi ni National President Eagles Ronald Delos Santos ug sa suporta sa LGU Munai ni Mayor Racma Andamama.

"Dawata ang among gamay nga tabang ngadto kaninyo gikan sa among grupo sa Agila,gamay ra kini sa pagkakaron pero among paningkamutan nga makahatag pa kami sa umaabot" butyag ni NMR XIV regional governor kuya Eagles Jeovanni Hera.

Dako usab ang kalipay ni Mayor Racma Andamama ngadto sa grupo sa mga Agila nga naghatag sila ug bugas ngadto sa mga pamilya sa nasangpit nga mga barangay.Nagplano na usab kini sa pagsulod sa Eagles kauban ang iyang kapikas nga si Engr. Andamama ug si Vice Mayor Dante Batingolo.

Ang nasangpit nga relief operation sa eagles gipangunahan kini nila Eagles Regional Governor Allan Pitiilan sa NMR IX LDN II,Eagles Regional Governor Geovanni Hera sa NMR XIV LDN ug si NMR II Regional Governor.(Mike Navarro)