LALAKI DAKPAN SA USA KA POLICE CHECKPOINT SA LUNGSOD SA KAPATAGAN LANAO DEL NORTE 2 KA ARMAS UG SHABU NAKUHA

Dakpan ang usa ka 32 anyos nga lalaki usa ka minyo nga taga Purok Tugas, Brgy. Maranding, Lala, Lanao del Norte human kini makuhaan ug armas ug shabu sa usa ka checkpoint sa may Purok 10, Matimus, Brgy. Poblacion, Kapatagan, Lanao del Norte pasado ala 1:50 sa buntag Abril 25 2024.

Subay sa police report,samtang nagpahigayun ug usa ka checkpoint ang mga sakop sa 3rd Mobile Platoon , 2nd Provincial Mobile Force Company-Lanao del Norte pasado ala 1:50 sa buntag sa Purok 10, Matimus, Brgy. Poblacion, Kapatagan,naharang sa mga sakop sa kapulisan ang usa ka SMC Honda Click nga single motor nga mesulay pa ug likay sa checkpoint.

Sa paghiling sa dalang sling bag sa maong suspek nakuha niine ang duha ka armas nga usa ka 45 kalibre sa pistola kauban ang mga buhing bala ug usa ka 9mm nga aduna usab mga buhing bala.

Nakuha usab gikan kaniya ang nagkadaiyang putos sa gituohang shabu nga adunay timbang 7.4 gramo ug adunay street value nga 50,320.00.

Mga kasong pagsupak sa Article 151 of the Revised Penal Code, Violation of Republic Act 10591, and Violation of Sections 11 and 12, Article II of Republic Act 9165 (Comprehensive Dangerous Drugs Act of 2002) ang ipasaka sa maong suspek.(via Mike Navarro)