LUNGSOD SA MAGSAYSAY SA LANAO DEL NORTE MAKABATON NA UG BAG-ONG FIRE TRUCK UG BAG-ONG FIRE STATION

Sa dili madugay pagasugdan ang pagtukod sa bag-ong Bureau of Fire Protection Station sa Lungsod sa Magsaysay Lanao del Norte.Kini ang gibutyag ni Mayor Haron "Dondon" Omar Sr. atol sa pagbisita ni F/Supt. Butch Baulete,Provincial Fire Marshal sa Lanao del Norte.

Adunay budget nga 7.5 milyon (gikan sa DBM) ang BFP fire station nga pagatukuron sa nasangpit ng Lungsod.Samtang muabot na usab sa sunod bulan ang bag-ong fire truck nga nagkantidad ug 6.6 milyon nga gikan sa Department of Budget and Management.

"Dako ang akong kalipay nga nahatagan kita ug budget sa DBM para sa atong fire station ug sa atong fire truck,kay dugay na nato kining gipangandoy kay layo ang Tubod Fire Station nga sila pa ang musaka diri panahon kung mga sunog."segun pa ni Mayor Dondon Omar Sr. 

"Ako mapasalamaton usab sa atong mga provincial officials kay Gob Angging,former Cong Bobby,Cong Khalid ug Cong Aminah sa ilang kanunay nga paghatag ug dakong suporta sa atong Lungsod sa Magsaysay"dugang pa ni Mayor Dondon Omar Sr. (Mike Navarro)