RTMI NAGHATAG UG 40 SEATER NGA BUS SA LUNGSOD SA MAGSAYSAY LANAO DEL NORTE

Naghatag ug usa ka 40 seater nga bus ang usa ka kompanya nga RTMI kon Rural Transit Mindanao Inc. ngadto sa Lungsod sa Magsaysay Lanao del Norte.

Segun ni Mayor Haron Omar Sr. dako kini ug ikatabang sa maong Lungsod ilabina sa mga studyante ug mga empleyado sa Municipyo ug sa katawhan sa ilang mga seminar,lakbay aral ug ang mga pagsalmot sa mga kompitasyon sa probinsya.

"Mao kini ang pinaka unang bus nga mosaka ug maangkon sa atong Lungsod sa Magsaysay,para kini sa katawhan ug sa atong mga studyante ilabina ang atong mga partisipante sa mga sports ug sa pagsaulog matag tuig sa Sagayan sa Araw ng Lanao del Norte." butyag ni Mayor Dondon Omar.

"Pamasalamaton ako sa RTMI sa ilang gihatag sa atong Lungsod nga dako kaayo ug ikatabang para sa atong katawhan" dugang pa sa Mayor.

Sa sunod bulan moabot na sa maong Lungsod ang nasangpit nga 40 seater nga bus.(Mike Navarro)