BAG-ONG FIRE TRUCK SA LUNGSOD SA MAGSAYSAY SA LANAO DEL NORTE NGA GIKAN SA DBM MIABOT NA

Miabot na sa Lungsod sa Magsaysay sa Lanao del Norte ang ilang bag-o ug pinaka unang firetruck nga ang pondo gikan sa Department of Budget and Management kon DBM.

Pinaagi kini sa inisyatibo ni 2nd District Cong. Aminah Dimaporo ug sa paningkamot ni Mayor Haron Omar Sr. sa tabang sa mga opisyal sa probinsya sa pagpanguna ni Gov Angging Dimaporo nakabaton og bag-ong fire truck ang maong Lungsod.

"Unang una akoang pasalamat sa atoang Kongresista si Cong. Aminah Q. Dimaporo tungod kay among request nga firetruck sa iyang buhatan karon naabot na jud.Kaning firetruck pinaagi kini sa paningkamut sa atong Kongresista si Cong Aminah nga iya girequest sa DBM." segun ni Mayor Dondon Omar.

Samtang nagpadayun usab karon ang pagtrabaho sa ilang bag-ong fire station.Butyag ni Mayor Dondon Omar,adunay ihatag ang DILG nga standard nga bag-ong fire truck nga gikan sa DILG ug rescue vehicle.

"Inig human aning bag-ong Fire Station,aduna usab bag-ong fire truck nga ihatag ang DILG kato ilang standard nga fire truck ug rescue vehicle.Mahimo ng duha ang atong firetruck diri sa atong Lungsod" dugang pa ni Mayor Dondon.

Gilauman usab nga muabot sunod semana ang ilang bag-ong bus mga gikan usab o (grant) sa RTMI para magamit sa mga aktibidad sa maong Lungsod.(Mike Navarro)