IKA 59th FOUNDING ANNIVERSARY UG 28th ARAW NG MAGSAYSAY NIYOGAN FESTIVAL MALIPAYONG GISAULOG

Malipayong gisaulog ang selebrasyon sa ika 59th Founding Anniversary ug 28th Araw ng Magsaysay Niyogan Festival sa Lungsod sa Magsaysay Lanao del Norte kaniadtong Mayo 23 2024.

Ang bibo nga okasyon gitambungan mismo nila Gov. Angging Dimaporo,Vice Gov. Allan Lim,mga Provincial Board Members,Mayor Haron Omar Sr.,Vice Mayor Haleah Omar Diambangan,mga SB members ingon man mga sakop sa Bureau of Fire Protection sa pagpanguna  ni Provincial Fire Marshal F/SUPT. Butch Baulete,BGen Anthon Abrena,commanding general 2nd Mech. Brigade.

Anaa usab ang mga barangay officials ug mga magtutudlo sa nasangpit nga Lungsod.Sa mensahe ni Gov Angging,dako ang iyang kalipay sa administrasyon ni Mayor Dondon Omar,gumikan naila na ang lungsod isip isa sa mga tourist distinasyon sa Probinsya ug sa Region 10.

"Magpasalamat gayud kita sa liderato ni Mayor Haron "Dondon" Omar ug kang Vice Mayor Haleah Barranco Omar kay kung wala sa liderato ni Mayor Dondon dili mailhan ang lungsod sa Magsaysay nga malambuon ug malinawon" tipik sa pamahayag ni Gob. Angging Dimaporo atol sa pagsaulog sa Araw ng Magsaysay sa probinsya sa Lanao del Norte.

Samtang dako usab ang kalipay ug pasalamat ni Mayor Haron Omar Sr. ngadto sa mga opisyal sa probinsya ilabina kay Gov Angging,kanhe Cong Bobby ug sa duha ka mga kongresista sila Cong Khalid ug 2nd District Cong Aminah Dimaporo sa ilang suporta ngadto sa iyang administrasyon nga mapalambo ang maong lungsod para sa katawhan sa Magsaysay.(Mike Navarro)