KABAYAN PARTYLIST REP. RON SALO GISUPORTAHAN ANG BAROGANAN NI PBBM SA POSIBLENG MANDATORY REPATRIATION SA MGA OFW GIKAN SA LEBANON

KABAYAN PARTYLIST REP. RON SALO GISUPORTAHAN ANG BAROGANAN NI PBBM SA POSIBLENG MANDATORY REPATRIATION SA MGA OFW GIKAN SA LEBANON

Gisuportahan ni KABAYAN Partylist Rep. Ron Salo ang pamaagi ni Presidente Ferdinand Marcos Jr. ang posibleng mandatory repatriation sa mga Overseas Filipino Workers (OFWs) gikan sa Lebanon.

Giklaro sa Presidente nga ang gobyerno sa Pilipinas wala pa nagmando sa maong lakang ug ang desisyon mag depende sa mga assessment gikan sa mga opisyal sa Pilipinas sa Middle East, partikular na sa Department of Foreign Affairs (DFA).

Segun ni Presidente Marcos nga ang bisan unsang desisyon sa pagpauli ibase sa mga sitwasyon sa Lebanon ug iyang gitugyanan ang DFA ug ang embahada sa Pilipinas sa paghimo niining kritikal nga desisyon.

“Kami hingpit nga nagsalig sa kahanas ug hukom sa atong embahada ug mga opisyal sa DFA.Anaa sila sa pinakamaayong posisyon sa pagtimbang-timbang sa kaluwasan sa atong mga kababayan ug sa pagdeterminar sa tukma nga panahon sa mandatory repatriation,” matod ni Salo.

Nagpasalamat si Rep. Ron Salo sa Presidente sa iyang walay paglubad nga pagpakabana sa mga trabahanteng Pilipino sa gawas sa nasud. “Daku ang among pasalamat ni Presidente Marcos sa iyang makanunayong kalooy sa atong mga OFW. Ang iyang pamunoan nagsiguro nga ang pagpanalipod ug kaayohan sa atong mga kababayan magpabilin nga nag-unang prayoridad,” dugang pa ni Rep. Salo.

Ang kongresista usab nanawagan alang sa usa ka all-hands-on-deck nga pamaagi, nga nagpasiugda sa kamahinungdanon sa usa ka koordinasyon nga paningkamot sa gobyerno aron maandam ang bisan unsang mga panghitabo.(Mike Navarro)